თანამედროვე სამყაროში ტექნოლოგიები და ინტერნეტი ყოველდღიური ცხოვრების ნებისმიერ სფეროში განსაკუთრებულ როლს თამაშობს. გამონაკლისი არც ბიზნესია. ციფრული კომუნიკაციების ეპოქაში მომხმარებელს შესაძლებლობა აქვს, შენი ბიზნესის შესახებ, სულ რაღაც, რამდენიმე წამში შეიტყოს. სწორედ ამიტომ დღეს ტექნოლოგიებისადმი ადაპტაცია და მომხმარებლებისთვის საუკეთესო, კომფორტული და ინოვაციური მომსახურების უზრუნველყოფა ნებისმიერი კომპანიისთვის უმთავრესი პრიორიტეტია.
თანამედროვე ტექნოლოგიების წყალობით შეგიძლია, შენი კომპანიის სერვისების შესახებ ინფორმაცია დაუვიწყარ ციფრულ გამოცდილებად — სამგანზომილებიან (3D) ვირტუალურ ტურად აქციო, რომელში შემობიჯებაც მომხმარებელს უმოკლეს დროში, სახლიდან გაუსვლელად და ერთი დაკლიკვით შეუძლია.
სამგანზომილებიანი ვირტუალური ტური ნებისმიერი მასშტაბისა და დანიშნულების სივრცის 3D სახით წარმოდგენას გულისხმობს. ტურის საშუალებით მომხმარებელს რეალურ სივრცეში ციფრული მოგზაურობა და მისი დათვალიერება სახლიდან გაუსვლელად შეუძლია.
თანამედროვე სამყაროში ტექნოლოგიები ინოვაციასთან, კრეატიულობასა და სანდოობასთან ასოცირდება, შესაბამისად, მომხმარებლისთვის მნიშვნელოვანია, კომპანია ციფრულ სივრცესთან ადაპტირებული იყოს. საკუთარი სერვისების უპირატესობის წარმოსაჩენად ტექნოლოგიებისა და ციფრული სამყაროს სხვა შესაძლებლობების გამოყენება საშუალებას მოგცემს, უფრო მარტივად გამონახო საერთო ენა შენს მომხმარებლებთან, რომლებიც დროის დიდ ნაწილს ინტერნეტსა და სოციალურ ქსელებში ატარებენ.
თანამედროვე სამყაროში ადამიანები გადაწყვეტილების მიღებამდე კომპანიისა და მათი სერვისების შესახებ ინფორმაციას ინტერნეტში ეძებენ. ვირტუალური ტური მომხმარებელთა ყურადღების მიქცევის დინამიური და ინტერაქტიური ხერხია. იმის გათვალისწინებით, რომ ტური ვიზუალურად შთამბეჭდავი და მარტივად აღსაქმელია, მასში მომხმარებელი დიდ დროს ატარებს და სხვა სახის კონტენტთან შედარებით, მისი გადაზიარების მაჩვენებელიც გაცილებით მაღალია. ვირტუალური ტური ზუსტად და გამჭვირვალედ წარმოაჩენს შენი კომპანიის სერვისების უპირატესობას და მომხმარებელს კომპანიისადმი ნდობას უჩენს, რაც საბოლოოდ პოტენციური და ერთგული კლიენტების რიცხვის გაზრდაშიც დაგეხმარება.
ვირტუალურ ტურს იმაზე ზუსტად შეუძლია შენი სერვისების უპირატესობის წარმოჩენა, ვიდრე სხვა სახის რეკლამას. სამგანზომილებიანი ვირტუალური ტური საშუალებას გაძლევს, შედარებით მცირე სარეკლამო დანახარჯებით მაქსიმალურ შედეგს მიაღწიო, რითაც, საბოლოოდ, კომპანიის ფინანსურ რესურსებსაც დაზოგავ.
თანამედროვე სამყაროში დრო ყველაზე ძვირად ფასობს. სამგანზომილებიანი ვირტუალური ტურით სარეკლამო ხარჯებთან ერთად, იმ დროსაც დაზოგავ, რომელიც სხვა სახის რეკლამებზე უნდა დაგეხარჯა. გარდა ამისა, დაინტერესებულ პირებს შენი კომპანიის შესახებ ამომწურავ ინფორმაციას უმოკლეს დროში მიაწოდებ, თანაც ისე, რომ მათ სახლიდან გასვლა და დროის დაკარგვაც კი არ მოუწევთ.
მომხმარებელი ყოველდღიურად ინტერნეტში უამრავ ვებგვერდს სტუმრობს, ამიტომ მნიშვნელოვანია, შენმა კომპანიამ დაუვიწყარი და, რაც მთავარია, კომფორტული გამოცდილება შესთავაზოს. ვირტუალური ტური მომხმარებელს საჭირო ინფორმაციას ვიზუალური, მარტივად აღსაქმელი ფორმით აწვდის. ამასთანავე, შესაძლებლობას აძლევს, ნებისმიერი სახის სივრცე უმოკლეს დროში, სახლიდან გაუსვლელად დაათვალიეროს.
